$ 68.80 - 69.15
€ 80.57 - 81.52

"Non-stop" дуэтинин ырчысы Максат Садырбеков: "Айсулуу менен 7 жылдан бери кыз-жигитпиз, ал Чолпон экөөбүз тууралуу тараган кептерге көнүп бүткөн"

2556 0

"Non-stop" дуэтинин ырчысы Максат Садырбеков: "Айсулуу менен 7 жылдан бери кыз-жигитпиз, ал Чолпон экөөбүз тууралуу тараган кептерге көнүп бүткөн"


"Non-stop" дуэтинин ырчысы Максат Садырбеков сүйүктүүсүн ачыкка чыгарып, бийкеч менен чогуу түшкөн сүрөтүн интернеттеги жеке баракчасына жарыялаган эле. Айсулуу аттуу сулуу менен түшкөн сүрөтүнө "Бар экенине рахмат" деген билдирүүсүн калтырган ал. Көпчүлүк күйөрмандары үчүн бул күтүүсүз болду, анткени Максатты аталган дуэттин ырчысы Чолпон Талипбекова менен сүйүү мамилесинде деп ишенишкен.

Буга чейин сүйүктүүсүн күйөрмандарынан жашырып келген Максат махабатын ачыктагандыгына эмне себеп болгонун SUPER.KG порталына айтып берди. Айтымында, Айсулуу менен 7-8 жылдан бери кыз-жигит мамилесинде жүрүшөт.

"Экөөбүз бир жерде окуганбыз, ал хореографияда, мен музыка бөлүмүндө. Ошондо биздин сүйүү мамилебиз мен "Non-stop" дуэтине келгенге чейин эле башталган. Мен Айсулууну кыз-жигит болуп жүрүү үчүн эмес, жубай боло алат деген көз караш менен тандагам. Азырынча үйлөнүү тууралуу пландарыбыз жок, бирок ниетибиз жакшы", - дейт ырчы.


Буга чейин "Non-stop" дуэтинин курамы жаңылана тургандыгы маалымдалып, анын солисттери Чолпон Талипбекова менен Максат Садырбековдун өз алдынча пландары бар экени жазылган.

Максаттын ашыгын күйөрмандарына тааныштыруу ниети мурдатан эле болгон.

"Дуэт жакында эле тарадык, менде, балким, азыр убакыт бар болуп жатат, айтор сүйүктүүмдү көпчүлүккө тааныштыргым келди. Айсулуу менин көңүлүмө төп келген, бардык жагынан мыкты кыз. Балерина, клиптерге жана тасмада эпизоддорго тартылып жүрөт. Учурда визажист. Ал эми Чолпон экөөбүз жөнүндө кандай гана кептер тараган эмес, үйлөндүрүп, чогуу жашатып коюшкан. Айсулуу андай кептерге көнүп калган жана интернетке жазылган пикирлерге даяр болчу", - дейт Максат Садырбеков.


Мындан тышкары ал эми жеке ырчы катары чыгармачылыгын уланта турганын кошумчалады.

Булак: super.kg

Комментариев пока нет, добавьте свой!

Ваш аватар
  




-->