"Ата Мекен" фракциясынын лидери Алмамбет Шыкмаматов ооруканага жатты

223 0



Жогорку Кеңештин депутаты, "Ата Мекен" фракциясынын лидери Алмамбет Шыкмаматовдун ооруканага жатканын SUPER.KG порталына анын жардамчысы Улан Байышбеков билдирди.

"Бүгүн эртең менен Алмамбет Шыкмаматов өзүн жаман сезип, "Тез жардам" чакырган. Медицина кызматкерлери текшерген соң аны шаардагы №6-оорукананын кардиология бөлүмүнө алып кетишкен. Так кандай диагноз экенин билбейм, бирок жүрөк оорусуна байланыштуу ооруканада жатат", - деди Байышбеков.


Эскерте кетсек, Шыкмаматов жеке кызыкчылыгын көздөп, аялынын Мерседес Бенц Е320 үлгүсүндөгү унаасын кымбат баага сатуу үчүн "Барат Люкс" ишканасын тендерге катышкандардын катарына кошууну демилгелеген деп айыпталууда. Шыкмаматов өзү бул ишти "саясий кысым" деп келет. Аталган тендерге 2 фирма катышып, 2011-жылы 5-октябрда жыйынтыкталган.

Ишти УКМК тергеп, Биринчи Май райондук сотуна өткөрүп берген. Учурда ишти райондук сот карап жатат.


Булак: super.kg

Комментариев пока нет, добавьте свой!

Ваш аватар
  




-->